Yay aylarında günortadan sonra və xüsusilə də gecə saatlarına təyyarə reysinə bilet almaq məsləhət deyil
Hobbisi sərnişin təyyarələri və təyyarə ilə səyahət olan insan üçün saatlarla hava limanında növbə gözləmək qədər məşəqqətli hal yəqin ki, yoxdur. Kris Biançi də sərnişin təyyarəsi tutqunudur: “Yerdə duran bir “737”nin, 5 dəqiqə sonra havada saatda 850 kilometr sürətlə hərəkət etməyə başlaması mənim üçün əsl möcüzədir. Hər dəfə səyahət zamanı təyyarənin qalxma və enişini heyrətlə seyr edirəm. Bu, əla görüntdür”, deyən Kris növbəti səyahəti zamanı saatlarla hava limanında gözləməli olub və bunun səbəbini öyrəndikdə təəccüb və heyrətini gizlətməyib. “Sherg.az“ “tr.mashable.com”a istinadən bildirir ki, Kris həmin anları Tiktokda paylaşdıqdan sonra "AccuWeather"dən meteoroloq Alyssa Glenny kritik məqamlar haqqında məlumat verib. Meteoroloq bildirib ki, ABŞ-də yay aylarında günortadan sonra və xüsusilə də gecə saatlarına təyyarə reysinə bilet almaq məsləhət deyil. Təyyarə ilə səyahət etməyi düşünürsünüzsə, bunu günün erkən saatlarında, sübh zamanı reallaşdırmağa çalışın. Çünki şimal yarımkürəsində yay aylarında günortadan sonra və axşam saatlarında hava şəraitindən dolayı uçuşlarda gecikmələr çox olur. Günün bu vaxtları havada fırtına zamanıdır. Fırtınanın əmələ gəlməsinə nəmişlik - rütubət, havanın tez-tez dəyişməsi səbəb olur. Yay aylarında havada tarazılıq pozulur, atmosferin bəlli qatlarındakı istilik və ya nəm səbəbindən hava istiqamətini dəyişdirir, isti hava getdikcə yüksəlir. Havadakı su buxarı da yüksəldikcə soyuyur və buludları əmələ gətirir. Buludlar da getdikcə sıxlaşır. Nəticədə göydə gurultulu fırtına qopur. Səhər saatlarında isə hava daha sakitdir. Fırtınanın başlaması üçün şəraitin yetişməsi bəlli bir zaman alır. Ona görə də səyahət edənlər təyyarə biletlərini səhərin erkən saatlarındakı reyslərə alsalar, uçuşun vaxtında başlayacağına, gecikmə olmayacağına ümid edə bilər. ABŞ-də iyun ayından sonra qasırğalar dövrü başlayır. Səyahətə çıxanlar bunu nəzərə alsalar yaxşıdır.
