İƏT Cammu və Kəşmirlə bağlı bəyanat yayıb
İƏT Cammu və Kəşmirlə bağlı bəyanat yayıb
09:10 05.08.2024
Dünya
528
İslam Əməkdaşlıq Təşkilatının (İƏT) Baş katibliyi Hindistanın qeyri-qanuni işğal etdiyi Cammu və Kəşmirin xüsusi statusunun birtərəfli qaydada ləğvinin beşinci ili ilə bağlı bəyanat yayıb.
“Report” xəbər verir ki, bu barədə qurumdan bildirilib.
Qurum 2019-cu il avqustun 5-də və ya ondan sonra görülmüş bütün qeyri-qanuni və birtərəfli tədbirlərin ləğvi ilə bağlı çağırış edib.
Qeyd olunub ki, Baş katiblik Kəşmir xalqının öz müqəddəratını təyinetmə hüququnun təmin olunmasında onunla həmrəydir.
Bundan əlavə, İƏT beynəlxalq ictimaiyyəti BMT Təhlükəsizlik Şurasının müvafiq qətnamələri əsasında Cammu və Kəşmir mübahisəsinin həlli üçün səyləri artırmağa çağırır.
Xatırladaq ki, 2019-cu il avqustun 5-də Hindistan rəhbərliyi Cammu və Kəşmir əyalətinin xüsusi statusunu ləğv etdikdən və bu əraziyə Dehlidən birbaşa nəzarət tətbiq etdikdən sonra Hindistan və Pakistan arasında münasibətlər kəskinləşib.
Buna cavab olaraq Pakistan hökuməti Hindistanla diplomatik əlaqələrin aşağı səviyyəyə endirilməsini və bu ölkə ilə ikitərəfli ticarətin dayandırılmasına qərar verib. Həmçinin eyni dövrdə Pakistan hakimiyyəti Hindistanla qatar və avtobus əlaqəsini kəsib.
Öz növbəsində Hindistan Baş naziri Narendra Modi bildirib ki, Hindistanın Cammu və Kəşmir əyalətinin Dehlidə mərkəzi hökumətə yenidən tabe olması bu ərazidə terrora son qoyacaq. O vurğulayıb ki, “son üç onillikdə regionda 42 min insan həlak olub”.
Qeyd edək ki, Hindistanın Cammu və Kəşmir əyaləti Kəşmir bölgəsində yerləşir. Əhalisinin əksəriyyəti müsəlmanlardır. Bu ərazi Hindistan və Pakistan arasında bölünüb. İki ölkə 1947-ci ildə müstəqillik əldə etdikdən sonra bu məsələ iki ölkə arasında münasibətlərdə əsas problem olaraq qalır.
Oxşar xəbərlər
Xəbər lenti
Hamısına bax
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat