Niderland krallığı Ukraynaya 27 milyon avro yardım edəcək.
Axar.az xəbər verir ki, bu barədə Niderlandın xarici işlər naziri Kaspar Veldkamp Kiyevə işgüzar səfəri zamanı deyib.
20 milyon avro Rusiyanın məqsədyönlü hücumları nəticəsində ciddi zərər görən Ukraynanın enerji şəbəkəsinin gücləndirilməsinə sərf olunacaq. Vəsait enerji obyektlərinin təmiri və mühafizəsi, eləcə də mərkəzləşdirilməmiş elektrik enerjisi istehsalı üçün istifadə olunacaq.
Niderland NATO-nun Ukraynaya yanacaq, dərman və qış avadanlığının daxil olduğu Hərtərəfli Yardım Paketi çərçivəsində Kiyevə daha 7 milyon avro verəcək.
