ABŞ-ın yeni seçilmiş prezidenti Donald Tramp aktyorlar Con Voyt, Silvester Stallone və Mel Gibsonu Hollivuda xüsusi elçi təyin edib.
APA xəbər verir ki, bu haqda Tramp “Truth” sosial şəbəkəsindəki hesabında yazıb.
“Qürur duyuram ki, Con Voyt, Mel Gibson və Silvester Stallone mənim böyük, lakin çox problemli məkanda - Hollivudda xüsusi elçilərim olacaqlar. Onlar mənim xüsusi nümayəndələrim olaraq son 4 ildə biznesinin böyük hissəsini xarici ölkələrə itirmiş Hollivudun daha böyük, daha yaxşı və güclü olması üçün çalışacaqlar”.
Trump, aktyorların film və televiziya istehsalının mərkəzində onun gözləri və qulaqları olacaqlarını deyib.
