Dünyanın ən qapalı hesab edilən Şimali Koreya rəsmi olaraq ölkənin şimal-şərqində yerləşən Rason Xüsusi İqtisadi Zonasını xarici turistlərin üzünə açıb.
Sherg.az Qaynarinfo-ya istinadən xəbər verir ki, bu barədə Çinin "Young Pioneer Tours” turoperatoru məlumat yayıb. Bildirilir ki, azad iqtisadi zona rəsmi olaraq əcnəbilərin ziyarəti üçün açıqdır və ora tur sifariş etmək olar. Əraziyə ilk çinli turistlərin səfər edəcəyi gözlənilir.
Qeyd edək ki, bu il dekabrın sonunda Şimali Koreya lideri Kim Çen İn Myeonqsasimni turizm şəhərinə səfəri zamanı ölkədə turizmin inkişaf etdirilməsinin vacibliyini söyləmişdi.
