G7 ölkələri Rusiyadan neft idxalını artıran və Moskvaya sanksiyalardan yayınmağa yardım edən ölkələrə qarşı təzyiqləri gücləndirməyi ciddi şəkildə nəzərdən keçirir.
Teleqraf xəbər verir ki, bu barədə G7 ölkələrin maliyyə nazirlərinin bəyanatında deyilir.
“Biz Rusiyaya yardım göstərən ölkələrə və şirkətlərə qarşı, o cümlədən Rusiya neftindən istehsal edilən emal olunmuş neft məhsullarına dair ticarət tədbirləri və digər məhdudiyyətlərin tətbiqini ciddi şəkildə nəzərdən keçiririk”, – bəyanatda vurğulanıb.
G7 həmçinin bildirib ki, Rusiyadan idxal olunan enerji daşıyıcıları da daxil olmaqla, mövcud həcmdəki tədarüklərin əhəmiyyətli dərəcədə azaldılması və tamamilə dayandırılması üçün tədbirlər görməyə hazırdır.
Qrup üzvləri həmçinin Rusiyanın gəlirlərini azaltmaq məqsədilə gömrük rüsumları, idxal və ixrac qadağaları da daxil olmaqla yeni ticarət tədbirlərinin qəbul edilməsinin vacibliyi barədə ortaq mövqeyə gəliblər.
