Hollandiyada koalisiya hökumətinin süqutundan sonra seçkilərin 29 oktyabr 2025-ci il tarixində baş tutacağı elan edilib.
Sherg.az xəbər verir ki, bu barədə ölkənin daxili işlər naziri Judith Uitermark sosial şəbəkədə məlumat verib.
O, seçkilərin demokratik şəraitdə keçirilməsi üçün bələdiyyələrlə və digər tərəfdaşlarla hazırlıqların aparılacağını bildirib.
Sorğular, Geert Vildersin rəhbərlik etdiyi aşırı sağçı Azadlıq Partiyası (PVV) ilə Frans Timmermansın rəhbərlik etdiyi İşçi Partiyası/Yaşıl Sol ittifaqı arasında gərgin rəqabətin olacağını göstərir.
Xatırladaq ki, Vilders rəhbərlik etdiyi PVV partiyasını koalisiya hökumətindən çıxararaq hökumətin dağılmasına səbəb olmuşdu. O, sığınma siyasətinə dəstək verilmədiyini əsas gətirərək sərt miqrasiya planı təqdim etmişdi.
