İsrailin Baş naziri Binyamin Netanyahu Sülh Şurası ilə Qəzza zolağı üçün iki işçi qrupunun yaradılması barədə razılığa gəlib.
Teleqraf xəbər verir ki, bu barədə Netanyahunun ofisi ABŞ prezidentinin kürəkəni Cared Kuşnerlə Qüdsdə apardığı danışıqlardan sonra bildirib.
"Baş nazir və Sülh Şurası dərin və konstruktiv müzakirələr apardılar. İki işçi qrupunun yaradılması qərara alındı.
Biri Qəzzanın tərksilah edilməsi və silahsızlaşdırılması ilə bağlı olan işçi qrupdur. Qrup İsrail və Sülh Şurası Qəzzada hər hansı bir yenidənqurma işlərinə başlamazdan əvvəl bunu tamamlamaqda qərarlıdır.
İkinci işçi qrupu sanitariya, təmiz su və Qəzza xalqına təsir edən digər ictimai səhiyyə məsələlərinə diqqət yetirəcək.
