Avropa Siyasi Birliyinin Kopenhagendə keçirilən sammiti çərçivəsində Polşa Baş naziri Donald Tusk polşalı jurnalistlərlə söhbət edərkən onlardan biri Macarıstan Baş naziri Viktor Orbana sual ünvanlayıb.
Teleqraf xəbər verir ki, Avropa üçün əsas təhlükənin kim olduğu sualına Orban onun Rusiya olmadığını bildirib.
“Rusiya yox. Çünki biz Rusiyadan güclüyük. Müqayisə aparın və fikrinizi faktlarla əsaslandırın. Bizim 400 milyondan çox əhalimiz var, Rusiyanın 130 milyona yaxın əhalisi. Avropa və Rusiyanın ÜDM-nə baxın. Biz birlikdə orduya ruslardan daha çox pul xərcləyirik. Bəs niyə qorxuruq? Biz onlardan güclüyük. Sual budur ki, bizdə birləşib maraqlarımızı müdafiə edəcək liderlik varmı?”, - Macarıstan baş naziri qeyd edib.
