Qazaxıstan Prezidenti Kasım-Jomart Tokayev ölkəsində səfərdə olan Almaniya Kansleri Olaf Şoltsun xahişi ilə Ukrayna ətrafında vəziyyətin nizamlanması barədə danışıb.
APA xəbər verir ki, bu barədə “Tengrinews.kz” Qazaxıstan Prezident Administrasiyasının mətbuat xidmətinə istinadən məlumat yayıb.
“Fakt budur ki, hərbi baxımdan Rusiya yenilməzdir. Müharibənin daha da artması bütün bəşəriyyət üçün və hər şeydən əvvəl Rusiya-Ukrayna münaqişəsində birbaşa iştirak edən bütün ölkələr üçün düzəlməz nəticələrə səbəb olacaq”, - Tokayev Şoltsla məhdud tərkibdə görüş zamanı bildirib.
