Ankara NATO çərçivəsində bütün öhdəliklərini yerinə yetirməyə davam etməyə hazırdır.
Axar.az xəbər verir ki, bunu Türkiyənin milli müdafiə naziri Yaşar Gülər bildirib.
NATO-ya üzv ölkələrin müdafiə nazirlərinin Brüsseldə keçirilən ikigünlük görüşünün yekunlarını şərh edən türkiyəli nazir Ankaranı “güvənilə bilən və güvənməli olan güclü NATO müttəfiqi” adlandırıb.
Yaşar Gülər xatırladıb ki, Türkiyə Şimali Atlantika Alyansında ikinci ən böyük orduya sahibdir, NATO missiyalarına verdiyi töhfəyə görə ilk beş ölkə arasındadır.
