Türkiyə Qəzzada atəşkəs üçün çalışmağa və Fələstin məsələsini öz dövlətini əldə edənə qədər fələstinliləri müdafiə etməyə davam edəcək.
APA xəbər verir ki, bu barədə Türkiyə Xarici İşlər Nazirliyi bəyanat yayıb.
Bəyanatda deyilir:
“Türkiyə Prezidenti Rəcəb Tayyib Ərdoğan İsrailin Fələstin xalqına qarşı törətdiyi bağışlanmaz cinayətləri qınamaqda qətiyyətlidir. Türkiyə İsraili beynəlxalq arenada təcrid etmək üçün qəti addımlar ataraq yorulmadan çalışmaya davam edir. Buna görə də bəzi israilli siyasətçilər Türkiyəyə və Prezident Ərdoğana ən həyasız və əsassız şəkildə hücum edir.
İsrail hökumətinin siyasəti həm fələstinlilər, həm də israillilərin özləri üçün təhlükə yaradır. Türkiyə İsrailin Fələstin xalqına qarşı silah kimi istifadə etdiyi irqçi və ədalətsiz siyasətə qarşı gəlməyə davam edəcək. Türkiyə fələstinlilərin öz dövləti olana qədər onların haqq işini müdafiə edəcək”.
