Türkiyə Xarici İşlər Nazirliyi Qəzzaya humanitar yardım aparan Qlobal Sumud Donanmasına İsrail qüvvələri tərəfindən beynəlxalq sularda edilən müdaxiləni kəskin şəkildə pisləyib. Nazirlik bəyan edib ki, bu hücum günahsız mülki şəxslərin həyatını təhlükəyə atan bir terror aktıdır.
APA-nın Türkiyə bürosu xəbər verir ki, rəsmi açıqlamada beynəlxalq hüququn pozulması ilə həyata keçirilən bu əməliyyat humanitar missiyaya qarşı qəbuledilməz addım kimi qiymətləndirilib.
Türkiyə tərəfi məsuliyyət daşıyanların beynəlxalq hüquq normaları çərçivəsində cavab verməsinin vacibliyini vurğulayıb:
“BMT və bütün aidiyyəti beynəlxalq qurumlar Qəzzaya tətbiq edilən qanunsuz blokadanın dərhal aradan qaldırılması, bölgəyə humanitar yardımın maneəsiz şəkildə daxil olmasına şərait yaradılması və gəmiçilik azadlığının təmin edilməsi üçün dərhal hərəkətə keçməyə çağırırıq”.
