Macarıstanın Baş naziri Viktor Orban Avropa Komissiyasının (AK) sədri Ursula fon der Lyayeni onun barəsində irəli sürülmüş korrupsiya ittihamı ilə istefa verməyə çağırıb.
Oxu.Az xəbər verir ki, bununla bağlı Orban özünün "X" hesabında paylaşım edib.
Orban bu nəşri fon der Lyayenin portreti ilə müşayiət edərək üzərinə "Getmək vaxtıdır" yazıb.
İyulun 10-da Strasburqda AK rəhbərinə etimad səsverməsi keçiriləcək.
Qeyd edək ki, Macarıstanın baş naziri uzun müddətdir ki, Avropa İttifaqının hazırkı rəhbərliyini, o cümlədən onun miqrasiya, Ukraynadakı münaqişə, Rusiyaya qarşı sanksiyalar, eləcə də birliyin Çin və ABŞ ilə iqtisadi münasibətləri ilə bağlı siyasətini sərt tənqid edir.
Avropa Parlamentində fon der Lyayenə etimadla bağlı səsvermənin keçiriləcəyinin səbəbi, ilk növbədə, pandemiya zamanı Avropa İttifaqının klinik sınaqlardan keçməyən COVID-19 peyvəndi alması ilə bağlı ona qarşı irəli sürülən ittihamlar olub.
