Türkiyə müdafiə naziri Yaşar Gülər Ukrayna Müdafiə Təmas Qrupunun toplantısında Prezident Rəcəb Tayyib Ərdoğan və ABŞ Prezidenti Donald Trampın Ukraynada daimi atəşkəs üçün güclü iradə nümayiş etdirdiyini bildirib.
Teleqraf xəbər verir ki, o, Rusiya-Ukrayna müharibənin dayandırılması üçün Türkiyənin intensiv səylərinin davam edəcəyini deyib.
“Prezidentimiz və ABŞ Prezidenti cənab Tramp Ukraynada daimi atəşkəsin yaradılması üçün güclü iradə nümayiş etdirdi. Bu çərçivədə intensiv təmaslar davam edir. Türkiyənin ev sahibliyi və cənab Trampın iştirakı ilə atəşkəs və sülhün yaradılması üzərində işləməyə hazırıq”, - Gülər bildirib.
