Yaponiyada bir şəxsin 580-dən çox otel otağını saxta rezervasiyası edərək təxminən 114 min dollar dəyərində zərər yaratdığı bildirilib.
Sherg.az xəbər verir ki, otelin 258 otağını saxta yolla bron etdiyi iddia edilən şəxsin saxlanıldığı bildirilib.
"Japan Today" saytının məlumatına görə, “iş prosesinə saxtakarlıqla müdaxilə” ittihamı ilə saxlanılan 28 yaşlı yaponiyalı Junki Sanuki 2024-cü ilin 16-19 dekabr tarixlərində müxtəlif e-poçt ünvanları və saxta adlardan istifadə edərək paytaxt Tokiodakı bir otelin 258 otağını bron edib.
Rəsmilər Sanukinin mobil telefonu və digər cihazları üzərindən aparılan araşdırma nəticəsində ümumilikdə 580-dən çox saxta rezervasiya edildiyini müəyyənləşdiriblər.
Həmin 580-dən çox saxta bronun ümumi maliyyətinin 17 milyon yen (təxminən 114 min dollar) civarında olduğu bildirilib. Rəsmilər Sanukinin 2024-cü ilin noyabr ayında həmin oteldə qaldığı zaman otel rəhbərliyi ilə problem yaşadığını da qeyd ediblər.
Sanuki isə ittihamları rədd edərək belə deyib: “Otel ilə daha əvvəl heç bir problemim olmayıb, ona görə də niyə saxlanıldığımı anlaya bilmirəm.”
