Payız fəslində bəziləri sərin havanın ləzzətini çıxararkən, digərləri allergik reaksiyaların yaratdığı çətinliklərlə üzləşir. Mütəxəssislər bu havalarda diqqətli olmağın vacibliyini vurğulayaraq xəbərdarlıq edirlər.
Sherg.az xəbər verir ki, Star TV-yə danışan mütəxəssis, professor Dr. Ergün Tozkoparan, havaların soyuması ilə daha aydın şəkildə özünü göstərən allergiya simptomlarına qarşı xəbərdarlıq edib. Tozkoparan bildirib ki, xüsusilə gecələr başlayan öskürəklər ən çox rast gəlinən allergiya əlamətləri sırasındadır.
Mütəxəssis əlavə edib ki, bu vəziyyət astma tutmalarını da tətikləyə bilər və nəticədə nəfəs darlığı, fitvari (xırıltılı) tənəffüs müşahidə oluna bilər.
Prof. Dr. Tozkoparan qeyd edib:
“Xüsusilə ağır siqaret çəkən şəxslərdə KOAH-a (xroniki obstruktiv ağciyər xəstəliyi) bənzər klinik mənzərə də əlavə olunubsa, allergiya ilə birlikdə KOAH tutmaları tətiklənə bilər və bu insanlarda astma tutmaları daha ağır keçə bilər.”
“Allergiyanın yüngül keçməsi üçün nə etməli?” sualına cavab verən mütəxəssis belə deyib:
“Burada əsas prinsip budur: nə qədər az məruz qalma, bir o qədər az simptom riski. Xüsusilə çox küləkli havalarda evləri havalandırmaq düzgün deyil. Polenlərin içəri girməməsi üçün hepa filtrli hava təmizləyicilərindən istifadə etmək olar. Omeqa-3 ilə zəngin qidalanma allergik reaksiyaların qarşısını almağa kömək edir. Polen maskaları isə ağır allergiyası olan insanları qoruya bilər.”
