Azərbaycan milli komandasının Ukrayna ilə oyuna hazırlığı zamanı zədələnən “Araz-Naxçıvan”ın üzvü Rahil Məmmədov əməliyyat olunub.
Teleqraf klubun rəsmi saytına istinadən xəbər verir ki, müdafiəçiyə budun gətirici əzələlərindən birinin tam qopması diaqnozu qoyulub.
Cərrahiyyə əməliyyatı Finlandiyanın Pihlajalinna klinikasında yerinə yetirilib. Uğurlu əməliyyatdan sonra özünü yaxşı hiss edən futbolçunun məşqlərə başlayacağı tarixlə bağlı əlavə məlumat veriləcək.
