Bu gün UEFA Konfrans Liqasının II təsnifat mərhələsinin cavab oyununda "Neftçi" Belarusun "Dinamo" (Minsk) komandası ilə qarşılaşacaq.
Teleqraf xəbər verir ki, Bolqarıstanın Stara Zaqora şəhərindəki "Beroe" stadionunda keçiriləcək görüş saat 21:00-da start götürəcək.
Yuri Vernidubun baş məşqçisi olduğu kollektiv ilk oyunda rəqibinə 4:2 hesabı ilə məğlub olub. "Ağ-qaralar" səfərdə sərfəli nəticə qazanacağı təqdirdə UEFA Konfrans Liqasının III təsnifat mərhələsinə yüksələcək.
Qarşılaşmanın baş hakimi Şimali İrlandiyadan olan Tim Marşall olacaq.
