Azərbaycanla Gürcüstan arasında təhsil sahəsində əməkdaşlıq:“Gecikmiş, lakin əhəmiyyətli saziş...”
Yusif Nəzərli
13:56 21.02.2022
Aktual
692
Azərbaycanın təhsil naziri Emin Əmrullayev Gürcüstanın təhsil və elm naziri Mixeil Çxenkeli ilə görüş keçirib. Nazirlər təhsil sahəsində ikitərəfli əməkdaşlığın inkişafı və gücləndirilməsi məsələlərini müzakirə ediblər. Görüşdən sonra Azərbaycan və Gürcüstanın təhsil nazirlikləri arasında təhsil sahəsində əməkdaşlığa dair saziş imzalanacaq. İmzalama mərasimindən sonra nazirlər mətbuat üçün brifinq keçirəcəklər.
Qeyd edək ki, Təhsil naziri Emin Əmrullayevin Gürcüstana rəsmi səfəri davam edir. Nazir bu gün Tbilisidə İvane Cavaxişvili adına Tbilisi Dövlət Universitetini ziyarət edib. Universitetin rektoru Giorgi Şarvaşidze ilə görüşən Emin Əmrullayev iki ölkə arasında təhsil sahəsində əlaqələrin inkişafını, eləcə də Azərbaycan və Gürcüstanın ali məktəbləri arasında əməkdaşlığı müzakirə edib. Görüşdə Azərbaycanın Gürcüstandakı səfiri Faiq Quliyev də iştirak edib. Nazir Emin Əmrullayev Tbilisi Dövlət Universitetində təhsil alan azərbaycanlı tələbələrlə də görüşüb.
Təhsil naziri daha sonra Marneuliyə yola düşərək burada Gürcüstan Azərbaycanlılarının İnteqrasiya Mərkəzi (GAİM) və “Çay Evi” Tədris və İnkişaf Mərkəzinin fəaliyyəti ilə tanış olub. Mərkəzdə fəaliyyət göstərən rəqs, xalçaçılıq, rəssamlıq, xarici dil dərnəklərinin şagirdləri öz məharətlərini nümayiş etdiriblər. Emin Əmrullayev daha sonra Marneuli, Qardabani, Bolnisi, Dmanisidəki azərbaycandilli məktəblərin müəllimləri və direktorları ilə də görüşüb. Görüş zamanı azərbaycandilli məktəblərdə təlim-tədrisin inkişafına Azərbaycanın mümkün dəstəyi müzakirə edilib. Görüş zamanı Azərbaycanın Gürcüstandakı səfiri Faiq Quliyev bildirib ki, Prezident İlham Əliyev Gürcüstanda yaşayan azərbaycanlıların sosial vəziyyətini hər zaman diqqətdə saxlayır və bu istiqamətdə hər iki ölkənin aidiyəti qurumları arasında birgə iş aparılır.
Nazir Emin Əmrullayev də Gürcüstanda fəaliyyət göstərən azərbaycandilli məktəblərin problemlərinin diqqətdə saxlanıldığını qeyd edib. Vurğulayıb ki, gürcü və Azərbaycan xalqı tarixən sülh və dostluq şəraitində yaşayıb və mehriban əlaqələr hər iki ölkənin ortaq dəyəridir. “Dostlar arasında müzakirə ediləcək məsələlərin olması normaldır. Müstəqillik əldə edildikdən sonra məsələlərin yeni bir bucaq altında müzakirəsi vacib olub”, - deyə nazir bildirib.
İki ölkə arasında təhsil sahəsi üzrə imzalanan əməkdaşlıq sazişinin əhəmiyyəti barədə “Sherg.az”a danışan əslən Borçalıdan olan tarixçi-alim Kərəm Məmmədov bildirib ki, bu saziş əslində gecikib:
“Əsas problem Azərbaycanda olan gürcü məktəbləri və Gürcüstanda olan Azərbaycan məktəbləridir. Çünki orada faktiki olaraq Azərbayacanın dili, ədəbiyyatı, tarixi tədris olunmur. Bu həddindən artıq gecikdirilmiş razılaşmadır. Çünki 5-10 il əvvəl biz deyirdik ki, Gürcüstandandakı azərbaycan məktəblərində müəllimlərin orta yaş həddi 65-dir. İndi yəqin ki, 70-ə çatıb. Bu insanlar uşaqlara hansı təhsili verə bilərlər?! Yaxşı olar ki, komissiyalar, bu işdən başı çıxan insanlar sözügedən məsələləri müzakirə etsinlər”.
Çimnaz Şahlar
Oxşar xəbərlər
Xəbər lenti
Hamısına bax
Bərdədə piyadanı avtomobil vuraraq öldürüb
21:16 18.11.2026
Hadisə
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya