İranın Silahlı Qüvvələri parad zamanı Rusiyanın S-300 hava hücumundan müdafiə sistemlərini nümayiş etdirib.
Teleqraf İran mətbuatına istinadla xəbər verir ki, bu silahlar İran tərəfindən silahlandırılan və ölkənin müdafiə qabiliyyətini gücləndirən strateji texnologiyalar arasında yer alıb.
"İranın Silahlı Qüvvələrinin illik paradı, ölkənin ən yeni texnika, silah və hərbi avadanlıqlarını nümayiş etdirmək üçün ən mühüm fürsət sayılır. Parad yalnız hərbçilərin əhval-ruhiyyəsini artırmaqla kifayətlənmir, həm də ordunun xarici təhdidlərə qarşı hazırlıq səviyyəsini göstərir. Tədbir, həmçinin İranın hərbi gücünü göstərməklə yanaşı, beynəlxalq aləmdə öz müdafiə potensialını daha da gücləndirdiyini vurğulamaq məqsədini güdür",- məlumatda qeyd olunub.
