Ukraynada universitet tələbələri arasında genişmiqyaslı hərbi hazırlıq tədbirləri həyata keçiriləcək.
Teleqraf xəbər verir ki, bu barədə Ukraynanın təhsil və elm naziri Oksen Lisovyi məlumat verib.
Nazirin sözlərinə görə, artıq bu məqsədlə 170 təhsil proqramı hazırlanıb.
"75-80 min ikinci kurs kişi tələbənin bu hərbi hazırlıqda iştirak edəcəyi proqnozlaşdırılır. Qız tələbələr isə mövcud qanunvericiliyə əsasən, hazırlıq proqramına öz istəklərinə uyğun qoşulacaqlar. Səhhətinə görə xidmətə yararlı hesab edilən tələbələr üçün hazırlıq 2025-ci il sentyabrın 1-dən etibarən universitet təhsili ilə paralel aparılacaq. Universitetdə təhsil almayan kişilər isə əsas hərbi xidməti 18-25 yaş aralığında öz seçdikləri vaxtda yerinə yetirəcəklər", - o qeyd edib.
