NATO Azərbaycan və Ermənistanla sıx əməkdaşlığı davam etdirəcək.
APA xəbər verir ki, bu barədə NATO Baş katibin Siyasi məsələlər və təhlükəsizlik siyasəti üzrə köməkçisi Boris Ruge “X” sosial şəbəkəsində paylaşım edib.
“NATO adından ABŞ hökumətinin Vaşinqtonda təşkil etdiyi tarixi görüş münasibətilə Ermənistan və Azərbaycanın səfirlərini təbrik etdim. NATO bu irəliləyişi alqışlayır və tərəfdaşlığı möhkəmləndirmək, regional təhlükəsizliyi təşviq etmək üçün hər iki ölkə ilə sıx əməkdaşlığı davam etdirəcək”, – paylaşımda qeyd olunub.
