“Atamın səhhəti stabildir. Müalicəsi xəstəxananın reanimasiya şöbəsində davam edir. Həkimlər atamın səhhətinin yaxşı olması üçün əllərindən gələni edirlər”.
Bunu Teleqraf-a Şair Əlisəmid Kürün qızı Aynur Mehdiyeva atasının son durumundan danışarkən deyib.
Respublika Diaqnostika Mərkəzinin PR və Marketinq şöbəsinin müdiri Samir Orucov Teleqraf-ın sorğusuna cavabda bildirib ki, Əlisəmid Kürün müalicəsi Reanimasiya şöbəsində davam etdirilir:
"Xəstənin ümumi vəziyyəti ağır olaraq qiymətləndirilir. Bütün lazımi tibbi tədbirlər həyata keçirilir".
Qeyd edək ki, Şair Əlisəmid Kür qaraciyər çatışmazlığından əziyyət çəkir. O sentyabrın 15-də Respublika Diaqnostika Mərkəzinə yerləşdirilib.
