Sentyabrın 20-də Ermənistan daxili işlər naziri Arpin Sərkisyan Avropa İttifaqının (Aİ) komissarı Marta Kos ilə görüşüb.
Teleqraf xəbər verir ki, bu barədə Ermənistan Daxili İşlər Nazirliyi məlumat yayıb.
Aİ-nin viza rejiminin liberallaşdırılması prosesindən danışan Arpin Sərkisyan həmçinin biometrik sistemin tətbiqi, o cümlədən Ermənistan hökumətinin sərhədlərin idarə olunması, Azərbaycanın Qarabağ bölgəsindən könüllü köçmüş ermənilərin cəmiyyətə reinteqrasiyası və miqrasiya siyasəti sahələrində atdığı addımlar barədə məlumat verib.
Marta Kos Ermənistana 200 milyon avrodan çox dəstək verdiyini açıqlayıb. Digər sahələrlə yanaşı, dəstək Ermənistan-Aİ əməkdaşlığının mühüm sütunlarından biri olan Aİ vizasının liberallaşdırılması prosesini də əhatə edəcək.
Tərəflər əməkdaşlığı davam etdirməyə və genişləndirməyə, o cümlədən Aİ vizasının liberallaşdırılması istiqamətində birgə işi davam etdirməyə hazır olduqlarını təsdiqləyiblər.
