Milliyyətçi Hərəkat Partiyasının Başqanı Dövlət Baxçalı gündəmdə olan son hadisələrlə bağlı yazılı açıqlama verib.
Sherg.az xəbər verir ki, Baxçalı açıqlamasında bildirib: “Qısa müddətdə silahlar basdırılacaq və əhatəli, demokratik siyasətin pərdəsi bir daha bağlanmamaq üzrə açılacaq.”
Terror təşkilatının başçısı Abdullah Öcalanın 27 fevralda verdiyi çağırışdan sonra təşkilatın ləğv prosesini tamamlamalı və silahlarını Türkiyə Cümhuriyyətinə təslim etməli olduğunu bildirən Baxçalı, “Bu məsələ daha da uzanmamalıdır,” deyə vurğulayıb.
MHP lideri, terror təşkilatının 27 fevral çağırışından sonra ləğv prosesini tamamlayıb silahları Türkiyə Cümhuriyyətinə təhvil verməli olduğunu deyib.
Baxçalı, Cümhuriyyət Xalq Partiyasının (CHP) Başqanı Özgür Özəli də tənqid edərək, erkən seçki iddialarını rədd edib.
“Qazi Məclis, CHP və iftira koalisiyasının təxribatlarına aldanmadan, daha güclü, əsl funksiyasına və tarixi mirasına sahib bir mövqeyə çatmışdır,” deyə Baxçalı əlavə edib: “Erkən seçki yalanı və hay-küyü ilə partiyamızı müzakirəyə çəkməyə çalışan, kiçik beyinləri ilə niyyət oxumağa cəhd edən çürüklərin həvəsi boşa çıxacaq.”
MHP və Cümhur İttifaqının qərarının qəti olduğunu vurğulayan Baxçalı, seçkilərin vaxtında keçiriləcəyini və bu mövzuda heç bir güzəştə gedilməyəcəyini bildirib.
