Türkiyə Prezidenti Rəcəb Tayyib Ərdoğan AKP -nin Türkiyə Böyük Millət Məclisində keçirilən qrup iclasında çıxış edib.
Sherg.az-ın məlumatına görə, Ərdoğan çıxışında deyib ki, Türkiyə “adi dövlət deyil” və heç bir güc Türkiyəyə və Türkiyə Prezidentinə barmaq silkələyə bilməz. O, həmçinin Türkiyəyə və özünə yönələn açıqlamalara reaksiya verən, o cümlədən MHP lideri Dövlət Baxçalı başda olmaqla siyasətçilərə təşəkkür edib.
Çıxışında Qəzza və Fələstin məsələlərinə də toxunan Ərdoğan İsrail hökumətini sərt tənqid edib və regionda sülhün əhəmiyyətini vurğulayıb. O, Türkiyənin regionda və dünyada sülh üçün fəaliyyətini davam etdirəcəyini deyib.
Enerji sahəsindəki layihələrə də diqqət çəkən prezident, Türkiyənin “enerjidə tam müstəqillik” hədəfinə doğru irəlilədiyini, Qaradəniz qazı və yeni dəniz qazma layihələri ilə ölkənin enerji imkanlarının genişləndirildiyini bildirib.
Ərdoğan çıxışında həmçinin Türkiyənin beynəlxalq mövqeyinin gücləndiyini, lakin bəzi müxalifətin bu inkişafı düzgün qiymətləndirmədiyini qeyd edib.
