Ukraynaya yardım etmək üçün hər hansı yeni saziş mütləq güclə dəstəklənməlidir. Hər bir xalq məsuliyyəti öz üzərinə götürərək və öz payını artıraraq, bacardığı ən yaxşı şəkildə töhfə verməlidir.
APA BBC-yə istinadən xəbər verir ki, bunu Böyük Britaniyanın baş naziri Kir Starmer deyib.
Starmer həmçinin deyib ki, liderlər sammitdə dörd mühüm məsələdə razılığa gəliblər.
Həmin məsələlər bunlardır:
Müharibə davam edərkən Ukraynaya hərbi yardım axınını davam etdirmək və Rusiyaya iqtisadi təzyiqi artırmaq.
İstənilən daimi sülh Ukraynanın suverenliyini və təhlükəsizliyini təmin etməlidir və Ukrayna istənilən sülh danışıqları üçün masa arxasında olmalıdır.
Sülh razılığı olacağı təqdirdə, Avropa liderləri Rusiyadan Ukraynaya gələcək hər hansı işğalın qarşısını almağa çalışacaqlar.
Ukraynanı müdafiə etmək və ölkədə sülhü təmin etmək üçün koalisiya yaradılmalıdır.
