Türkiyə Gürcüstanın xüsusi təyinatlı qüvvələrinə hücum tüfəngləri hədiyyə edib.
24News.ge xəbər verir ki, Türkiyə Silahlı Qüvvələrinin Xüsusi Əməliyyatlar Komandanlığı Gürcüstan Müdafiə Qüvvələrinin Xüsusi Əməliyyatlar Komandanlığına müxtəlif növ hücum tüfəngləri hədiyyə edib.
Silahların təhvil verilməsi ilə bağlı keçirilən tədbirdə Gürcüstan Müdafiə Qüvvələrinin komandan müavini, general-mayor Zaza Çxaidze, Xüsusi Əməliyyatlar Komandanı, polkovnik Teimuraz Qlateşvili, Türkiyənin Gürcüstandakı səfiri Ali Qaan Orbai və Türkiyənin müdafiə attaşesi, polkovnik İlhan Oktendur iştirak ediblər.
Tədbir çərçivəsində qonaqlar silahları incələyib, onların texniki-taktiki xüsusiyyətləri ilə tanış olublar. Daha sonra isə xüsusi təyinatlı qüvvələrin bazasında təşkil olunan sınaq atışlarında iştirak ediblər.
Qeyd edək ki, Gürcüstan və Türkiyə arasında müdafiə sahəsində uzunmüddətli və strateji əməkdaşlıq mövcuddur. Snayper tüfənglərinin Gürcüstan xüsusi təyinatlı qüvvələrinə təhvil verilməsi də bu əməkdaşlığın növbəti nümunəsidir.
