Hollivud ulduzu Coni Deppin zərgərlik şirkəti Ermənistandan olan iş adamı tərəfindən hiylə yolu ilə satın alınıb.
Axar.az xəbər verir ki, bu barədə “Maş” Teleqram kanalı məlumat yayıb.
Məlumata görə, Narek M. adlı erməni iş adamı şirkətin sənədlərini öz adına rəsmiləşdirib, Deppin sevgilisi Yuliyanı şirkətin brend siması etməyə məcbur edib.
Aktyorun 28 yaşlı sevgilisi Yulianın sözlərinə görə, erməni iş adamı onun etibarını qazandıqdan sonra “Solomon” brendini öz adına rəsmiləşdirib, yəni satın alıb. Sonra isə Yulianı fakt qarşısında qoyub: “Sən sadəcə sifətini satıb müştəri cəlb edirsən, qalan hər şey mənimdir”.
Erməni iş adamının onu aldatdığını anlayan Yuliya Rusiyanı tərk edib və nə onlayn, nə də oflayn mağazalar açmağa razılaşıb. Yuliya qeyd edib ki, indi “Solomon” brendinin reklamında onun və Coninin adını çəkmək olmaz. Onun sözlərinə görə, o, yeni biznes açmaq niyyətindədir, amma Rusiyada yox.
