İzmir şəhərində baş verən zəlzələ nəticəsində ölənlərin sayı 24 nəfərə çatıb.
APA RİA Novosti-yə istinadən xəbər verir ki, yaralıların sayı isə 804 nəfərdir.
***
00:25
İzmirdə baş vermiş zəlzələ nəticəsində ölənlərin sayı 17-yə çatıb.
APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, zəlzələdə xəsarət alan 709 yaralı isə xəstəxanada müalicə olunur.
***
30 oktyabr, saat 23:32
İzmir şəhərində baş verən zəlzələ nəticəsində yaralıların sayı 607-yə çatıb.
APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
AFAD-ın məlumatına görə, son zəlzələdən indiyədək Rixter cədvəli ilə 21-i 4 baldan yüksək olmaqla 170 təkan qeydə alınıb.
***
22:21
İzmirdə baş vermiş zəlzələ nəticəsində xəsarət alanlar 522 nəfərə çatıb.
APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, zəlzələdən 4 bina tamamilə çöküb, 17 binada axtarış-xilasetmə işləri davam etdirilir.
***
20:50
İzmirdə baş vermiş zəlzələ nəticəsində ölənlərin sayı 12-ə, yaralananların sayı 419 nəfərə çatıb.
APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, 17 binada axtarış-xilasetmə işləri həyata keçirilir.
***
Türkiyənin İzmir şəhərində baş verən zəlzələ nəticəsində yaralıların sayı 257-yə çatıb.
APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
***
19:09
Türkiyənin İzmir şəhərində baş verən zəlzələ nəticəsində ölənlərin sayı 6-ya, yaralıların sayı 202-ə çatıb.
APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
***
18.37
İzmirdə baş vermiş zəlzələ nəticəsində yaralananların sayı 152 nəfərə çatıb.
APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, 12 binada axtarış-xilasetmə işləri həyata keçirilir.
İzmir valisi 30-a yaxın binada dağıntının qeydə alındığını qeyd edib.
***
17:55
Türkiyənin Fövqəladə Halların İdarə Olunması Agentliyi (AFAD) İzmirdəki zəlzələ ilə bağlı məlumat yayıb.
Lent.az məlumat verir ki, bildirilib ki. hadisə nəticəsində 4 nəfər ölüb, 120 yaralı var.
***
16:27
Türkiyənin İzmir şəhərində 6.6 bal gücündə zəlzələ olub.
Lent.az Türkiyə mediasına istinadən xəbər verir ki, zəlzələ yerli vaxtla 14:51-də qeydə alınıb. Hadisə nəticəsində bəzi binalar tamamilə dağılıb. Hazırda xilasetmə işlərinə başlanılıb.
Qeyd edək ki, dağıntı və itkilər haqqında hələlik məlumat yoxdur.
