
Rusiya iqtisadiyyatı artıq müharibə yükünü daşımaq iqtidarında deyil
07:33 07.08.2024
Dünya
518
Rusiya çöküşdədir
Mərkəzi Bankın sədri doğrunu söylədi
Rusiya Mərkəzi Bankınin sədri Elvira Nabiullina son mətbuat konfransında ölkədə iqtisadi vəziyyətin ağırlaşdığını etiraf edib. Bu səbəbdən Mərkəzi Bank faiz dərəcələrini artırıb. Ancaq Rusiya Mərkəzi Bankının sədri bunun ölkədə inflyasiyanın azalacağı anlamına gəlməyəcəyinə eyham vurub. Naibullina mətbuat konfransında daha bir neçə etiraf edib. Qeyd edib ki, Rusiyada işçi qüvvə çatışmır, rəqabət qabiliyyətli məhsul istehsal edilmir. Digər yandan faiz artımından sonra Türkiyə və Çinlə bu ölkələrin milli pul vahidləri ilə ticarət aparmaq çətinləşəcək. Çünki bu ölkələr dəyər itirən Rusiya rublu ilə alış-veriş etməkdə maraqlı olmayacaqlar. Halbuki Rusiya hakimiyyəti bunu illərdir uğurlu siyasət kimi təqdim etməyə çalışırdı.
Politoloq Elxan Şahinoğlu deyib ki, Elvira Nabiullinanın mətbuat konfransında söylədikləri “Qərbin Rusiyaya qarşı sanksiyaları bizə mənfi təsir etmir” deyən digər rusiyalı rəsmilərin açıqlamalarına ziddir. Analitikin sözlərinə görə, Rusiya iqtisadiyyatının indiki ağır vəziyyətinin maliyyə siyasəti ilə bağlılığı yoxdur:

"Bu vəziyyət birbaşa Rusiyanın Ukraynaya qarşı müharibəsiylə bağlıdır. Rusiyada işçi qüvvə müharibəyə göndərilib. Onların da bir qismi ya həlak olur, ya da ağır yaralanaraq geri döndükdən sonra iş qabiliyyətini itirir. Rusiya Təhlükəsizlik Şurasının sədr müavini Dmitri Medvedyev hər gün cəbhəyə min nəfərin göndərildiyini uğur kimi qələmə versə də, Rusiya iqtisadiyyatı üçün bu, gündəlik itki deməkdir. Çünki onlar cəbhəyə öldürməyə və ölməyə gedirlər, ölkələrində isə istehsalın bir növü ilə məşğul olurdular. Digər tərəfdən, Qərbin sanksiyaları Rusiyanın idxal-ixrac əməliyyatlarına mənfi təsir edib. Rusiya müharibəyə və hərbi-sənaye kompleksinə milyardlar xərcləyir və bunlar geri qayıtmayacaq pullardır. Elvira Nabiullianın mətbuat konfransından çıxan nəticə budur ki, Rusiya iqtisadiyyatı artıq müharibə yükünü daşımaq iqtidarında deyil. Ancaq müharibə bu gün dayandırılsa belə, iqtisadiyyatı əvvəlki durumuna qaytarmaq da çətin olacaq. Bu amilləri Rusiyaya qonşu ölkələr nəzərə almaq məcburiyyətindədirlər".
Oxşar xəbərlər
Xəbər lenti
Hamısına bax
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat
Britaniya TRIPP-in təhlükəsizliyinə töhfə verə bilər - ŞƏRH
17:18 17.11.2026
Aktual