Ermənistanın ABŞ-dəki səfiri Narek Mkrtçyan və Rrespublikaçılar Partiyasından olan ABŞ senatoru Stiv Deyns TRIPP (Tramp marşrutu və ya Zəngəzur dəhlizi) proqramı çərçivəsində regionlararası əməkdaşlıq üçün yeni imkanları müzakirə ediblər.
"Report" Ermənistan KİV-ə istinadən xəbər verir ki, bu barədə Ermənistanın ABŞ-dəki səfirliyi məlumat yayıb.
Söhbət zamanı tərəflər Ermənistan və ABŞ arasında strateji tərəfdaşlığın inkişafı, eləcə də ikitərəfli əməkdaşlığın perspektivləri ilə bağlı məsələləri müzakirə ediblər.
ABŞ, Azərbaycan və Ermənistan liderlərinin avqustun 8-də Vaşinqtonda keçirilmiş üçtərəfli görüşünün yekunlarına və imzalanmış sənədlərə xüsusi diqqət yetirilib.
