İsrailin ən böyük müttəfiqlərindən biri olan Berlində hökumətin Netanyahu administrasiyasına qarşı silah boykotunu həyata keçirdiyi iddia edilir. Almaniya satmazdan əvvəl İsraildən mülki insanlara qarşı silahlardan istifadə etməyəcəyinə dair zəmanət verməsini tələb edir. İddialara görə, hökumətin tərəfdaşlarından biri olan Yaşıllar Partiyası İsraildən “Qəzzada soyqırım üçün silahdan istifadə edilməyəcək” zəmanəti istəyir.
Sherg.az xəbər verir ki, "Politico" xəbər saytına danışan bir alman rəsmisi Berlinin İsrailə silah embarqosunun olmadığını israr etməsinə baxmayaraq, yüksək səviyyəli alman liderlərinin İsrailə silah satışını əngəllədiyini bildirib.
Koalisiya hökumətinin Yaşıllar Partiyasının Xarici İşlər Naziri Annelena Baerbock və İqtisadiyyat naziri Robert Haabekin “İsrailə göndərilən silahların ixracını azaltmağa çalışdığı” iddiaları irəli sürülüb.
Bu adların İsrailin soyqırımda alman silahlarından istifadə etməyəcəyinə dair zəmanət verməsi gözlənilsə də, şuranın silah ixracına icazə vermədiyi bildirildi.
Almaniya hökuməti İsrailə qarşı silah embarqosunun olmadığını iddia etsə də, bu il silah tədarükü kəskin şəkildə azalıb.
Berlin mart ayından İsrailə döyüş silahlarının ixracına icazə verməyib.
Yanvar-avqust ayları arasında yalnız 14,5 milyon avroluq silah ixracı Almaniya tərəfindən təsdiqlənib. Bunların yalnız 2 faizi “müharibə silahları”, 98 faizi isə dəbilqə, qoruyucu jilet və rabitə vasitələri kimi digər hərbi texnikadır.
