Türkiyənin xarici işlər naziri Hakan Fidan Ukraynada tezliklə qismən atəşkəsin həyata keçiriləcəyinə ümid etdiklərini bildirib.
Teleqraf xəbər verir ki, bu barədə o, Ankarada Norveçin xarici işlər naziri Espen Bart İde ilə keçirdiyi birgə mətbuat konfransında danışıb.
“Ukraynada müharibə ilə bağlı vəziyyəti müzakirə etdik. Türkiyə olaraq biz Ukraynanın ərazi bütövlüyünü və suverenliyini tam şəkildə dəstəkləyirik. Müharibənin ilk günündən etibarən ədalətli və davamlı sülh naminə dialoqa çağırış etmişik. Ümid edirik ki, yaxın vaxtlarda qismən atəşkəs həyata keçiriləcək. Bu da sülhə aparan ilk addım olacaq. Prezidentimizin də vurğuladığı kimi, Türkiyə bu istiqamətdə atılan bütün konstruktiv təşəbbüslərdə iştirak etməyə davam edəcək,” – nazir qeyd edib.
