İran xarici işlər naziri Abbas Arakçı Moskvaya son səfəri və Vladimir Putinlə görüşündə ölkə rəhbəri Əli Xameneinin şikayət mesajını ona çatdırıb.
Axar.az xəbər verir ki, bunu İranın “Fərhixteqan” qəzeti yazıb.
“Əli Xamenei mesajında bildirib ki, Rusiya 12 günlük müharibə zamanı İslam Respublikasının gözləntilərini doğrultmayıb”, - qəzet bildirib.
Nəşr İsrail-İran müharibəsində Moskvanın mövqeyinin müttəfiq ölkəyə yaraşmadığını qeyd edib:
“Müharibənin əvvəlində ruslar münaqişənin sona çatmasını istəyir, İsraili işğalçı kimi tanıyır və İsrailin hücumunu pisləyirdi. Ancaq ümumilikdə onların mövqeyi o qədər də güclü deyildi və İranın gözlədiyi kimi olmadı. Tehran rusların bu məsələdə daha möhkəm dayanmalarını, daha sərt və ciddi mövqe ifadə etməsini gözləyirdi, bu isə olmadı”.
Qeyd edək ki, 2025-ci ilin yanvarında İran və Rusiya uzunmüddətli əməkdaşlığı gücləndirmək məqsədi ilə hərtərəfli strateji anlaşma memorandumu imzalayıblar.
