Yazıçı və telejurnalistdən SƏRT TƏNQİD! - “...aşağı səviyyəli aparıcılar görürük”
Yusif Nəzərli
15:42 29.03.2022
Media
1024
Kənan Hacı:“Dili bilmirsə, bunun efirdə nə işi var?”
Qulu Məhərrəmli:“Televiziya bizim ruhumuzun ərazisidir. Televiziya “vitrin”dir, ora ən yaxşıları qoyurlar. Bizdə isə bəzən əksinə olur”
Teleaparıcıların ekranda olduğu kimi, sosial şəbəkələrdə də özünə xas izləyici kütləsi var. Bəzən həmin jurnalistlərin paylaşımlarında etdiyi qrammatik səhvlər diqqətləri çəkir. Yazar Kənan Hacı da öz sosial media hesabında bu mövzuya toxunub. O, teleaparıcıların dili təhrif etməsindən şikayətlənib:
“Televiziya aparıcıları görəsən, niyə dilimizi təhrif edə-edə danışırlar? Statuslarına baxırsan, adam dəhşətə gəlir. Bunlara orta məktəbdə Azərbaycan dili dərsini niyə keçməyiblər?! Dili bilmirsə, bunun efirdə nə işi var? Telekanallarda bu sahəyə niyə nəzarət olunmur?”
Ana dilimizdən düzgün istifadə etməyən jurnalistlərə münasibət bildirən media eksperti, professor Qulu Məhərrəmli “Sherg.az”a açıqlaması zamanı qeyd edib ki, bu gün televiziya ana dilinin nitq mədəniyyətinin təbliğatçılarından biridir:
“Verilişlərin dili, orada çıxış edən ziyalıların danışığı, əlbəttə ki, nümunə sayılır. Çox təəssüf ki, televizya həmişə bu funksiyanı yerinə yetirə bilmir. Bəzən materialların redaktəsində, aparıcıların danışığında həddindən artıq qüsurlar olur. Bu barədə dəfələrlə monitorinq aparılıb. Sonuncu dəfə Dövlət Dil Komissiyası yanında Monitorinq Mərkəzi bu barədə tədqiqat ortaya qoyub. Bunlar real faktlardır”.
Professor bu kimi halların baş vermə səbəbindən danışıb:
“Televiziya aparıcılarının statusları, danışığı, yaxud onların müsahibələrdə yol verdiyi nöqsanları nədən qaynaqlanır? Mənə elə gəlir ki, biz aparıcılara xüsusi tələblə yanaşmırıq.
Söhbət televiziya rəhbərlərindən, veriliş prodüserlərindən gedir. Bəzən aparıcıları çox subyektiv parametrlərə görə seçirlər. Nəticədə də biz gözümüzün önündə bir televiziyanı təmsil edən aşağı səviyyəli aparıcılar görürük”.
Q.Məhərrəmli sözügedən halları tənzimləmək üçün yollar göstərib:
“Ən yaxşı çıxış yolu təbii ki, tələbkarlığı artırmaqdır. Layiq olanları seçib, kamera qarşısında oturtmaq lazımdır. Belə olmasa, əlbəttə ki, özfəaliyyətlə məşğul olacağıq.
Yəni, elə şeylər var ki, orada dəyərlər və kriteriyalar mütləq gözlənilməlidir. Çünki televiziya bizim ruhumuzun ərazisidir. Televiziya “vitrin”dir, ora ən yaxşıları qoyurlar. Bizdə isə bəzən əksinə olur.
Ona görə də məncə təkcə aparıcılara yox, redaktorlara, rejisorlara və digər yaradıcı insanlara da tələbkarlığı artırmaq lazımdır ki, onlar normal veriliş hazırlamaqla yanaşı , həm də Azərbaycan dilinin fəal və nümunəvi təbliğatçıları olsunlar. Belə olmasa, biz hə zaman nöqsanlardan şikayətçi qalacayıq”.
Oxşar xəbərlər
Xəbər lenti
Hamısına bax
Lənkəranda 13 yaşlı yeniyetmə bıçaqla boğazından xəsarət aldı
23:16 17.11.2026
Hadisə
İrandan ərəb ölkəsinə xəbərdarlıq: Məhv olacaqsınız!
22:58 17.11.2026
Son dəqiqə
ABŞ Milli Təhlükəsizlik Agentliyinin məxfi şəbəkəsi sıradan çıxıb
22:39 17.11.2026
Dünya
Vladimir Putin Çinə səfər etdi
22:20 17.11.2026
Gündəm
Rusiya xəbərdarlıq etdi: Onlar məhv ediləcək!
21:24 17.11.2026
Aktual
Salyanda avtomobil 89 yaşlı piyadanı vuraraq öldürüb
21:12 17.11.2026
Hadisə
Britaniya Ukraynaya mindən çox raket verəcək
21:00 17.11.2026
Dünya
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial