TƏCİLİ! – Qazaxın kəndləri qaytarılır? – “Fərrux yüksəliyindən sonra...” - AKTUAL
Yusif Nəzərli
08:52 04.04.2022
Aktual
1253
Sərxan Carçı: “Fərrux yüksəliyinin nəzarətə götürülməsi olayından sonra durum fərqli oldu”
Tural İrfan: “Orada bir neçə kənd anklav şəraitində olduğuna görə birbaşa azad edilməsi uzun prosesdir. Sanki Qarabağ məsələsinin kiçik formasıdır”
2020-ci ilin noyabrın 10-da Azərbaycan, Rusiya və Ermənistan rəhbərlərinin birgə bəyanatı ilə Qarabağ müharibəsi başa çatıb. Üçtərəfli razılaşmanın 2-ci bəndinə əsasən, Qazax rayonunun işğal edilmiş 7 kəndi də Azərbaycana geri verilməlidir. Azərbaycana qaytarılacaq 7 kənd Sofulu, Barxudarlı, Bağanis Ayrım, Qızıl Hacılı, Yuxarı Əskipara, Aşağı Əskipara və Xeyrimli kəndləridir. Azad ediləcək kəndlərin 3-ü Azərbaycanın Ermənistandakı eksklavıdır. Bu eksklavlar Sofulu, Barxudarlı və Yuxarı Əskipara kəndləridir. Məlum sənədin qəbulundan xeyli müddət keçsə də, Qazaxın adıçəkilən kəndlərinin qaytarılması prosesi hələ ki baş tutmayıb.
Məsələ ilə bağlı "Sherg.az"a danışan əslən Qazaxdan olan araşdırmaçı jurnalist Sərxan Carçı bildirib ki, bu barədə müxtəlif şayiələr yayılır:
"Həmin ərazilərdə çox yaşayış yox idi. Fərrux yüksəliyinin nəzarətə götürülməsi olayından sonra durum fərqli oldu. Hər halda Qarabağda canlanma var, yəqin, bu canlanma Qazaxa da yansıyar. Anlaşmaya əsasən Qazaxın 7 kəndi qaytarılmalıdır”.
Milli Cəbhə Partiyasının sədr müavini, jurnalist Tural İrfanın sözlərinə görə, 10 noyabr bəyannaməsinin müddəalarına uyğun olaraq Ağdamla bərabər Qazaxın 7 kəndi də qaytarılmalı idi. Sadəcə ermənilər həmin ərəfədə müəyyən problemlər yaratdılar:
"Müddəada göstərilən Qazaxın kəndləri ikinci planda qaldı. Çünki əsas diqqət Qarabağa yönəlmişdi. Qazaxın kəndləri diqqətdən kənarda qalmayıb, lakin ləngimələr var. Orada bir neçə kənd anklav şəraitində olduğuna görə birbaşa azad edilməsi uzun prosesdir. Sanki Qarabağ məsələsinin kiçik formasıdır. Kəndlərindəki ermənilər də torpaqların onlara məxsus olmadığını bilirlər. Qazaxın kəndlərinə ermənilərin torpaq iddiası olmayıb. Sadəcə strateji yüksəliyinə görə götürüblər. Gedişat məsələnin 1-2 günün içində də həllini tap biləcəyini göstərir. Lakin sülhməramlıların həmin ərazilərdə yerləşdirilməsinin gündəmə gəlmə ehtimalı mövcuddur. Kəndlərin bir neçəsi anklav şəraitindədir, Ermənistan sərhədindən keçmək lazım gəlir. Əsas təhlükəsizlik məsələsidir. Azad etməyə qalsa, bir neçə günə həllini tapması mümkündür. Prezident İlham Əliyev Ermənistana sülh təklif etdi. Sülhün şərtlərindən biri sərhədlərin müəyyənləşməsidir. Məncə, bu səbəbdən Qazaxın kəndləri məsələsi aktuallaşmır. Bir var kəndbəkənd azadlığına qovuşsun, biri də var ki, Ermənistan sülh müqaviləsini imzalayaraq şərtsiz ərazilərdən geri çəkilsin”.
Oxşar xəbərlər
Xəbər lenti
Hamısına bax
Rusiya xəbərdarlıq etdi: Onlar məhv ediləcək!
21:24 17.11.2026
Aktual
Salyanda avtomobil 89 yaşlı piyadanı vuraraq öldürüb
21:12 17.11.2026
Hadisə
Britaniya Ukraynaya mindən çox raket verəcək
21:00 17.11.2026
Dünya
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə