
Şok iddia: Rusiya İsrail və müsəlman dövlətlərinə mesaj göndərmək üçün terror aktını həyata keçirib
12:30 24.06.2024
Aktual
832
İyunun 23-də Dağıstanda baş verən terror aktları 15 -dən polis əməkdaşının həyatına son qoyub.
ŞAxar.az xəbər verir ki, bu barədə Rusiya Federasiyasının Dağıstan Respublikasının rəhbəri Sergey Melikov məlumat yayıb.
Onun sözlərinə görə, 15-dən çox polis Dağıstanın əmin-amanlığını qoruyan zaman terror aktının qurbanı olub.
Onlardan biri Dağıstan İşıqları polis idarəsinin rəisi Mavludin Xıdırnəbiyevdir. O, terrorçularla atışma zamanı ağır yaralanaraq dünyasını dəyişib.
24, 25 və 26 iyun Dağıstanda matəm günləri elan edilib. Müvafiq fərmanı Sergey Melikov imzalayıb.
Xatırladaq ki, iyunun 23-ü axşam saatlarında Dərbənd və Mahaçqala şəhərlərində iki pravoslav kilsəsi, sinaqoq və yol polisi postuna silahlı basqın edilib.
Tanınmış jurnalist, politoliq Fuad Abbasov “Sherg.az”a söyləyib ki, Dağıstanda baş verən terror aktı Rusiyanın apardığı xarici siyasətə təsir göstərmək məqsədilə həyata keçirilən fəailiyyətdir:
“1999-cu ildə Türkiyədə baş tutan ATƏT-in zirvə toplantısında Rusiyanın Prezidenti Boris Yelçin İstanbula gedərək Avropa və Asiyanı birləşdirən boru xətlərinin Dağıstan bölgəsindən keçməsini təklif etmişdi. Məhz Boris Yeltsinin İstanbulda olduğu vaxtlarda Dağıstanın Çobanmaxi və Karamaxi kəndlərinə Çeçen savaşçılar hücum edərək müəyyən münaqişə yaratmışdılar. Rusiya isə bunu terror aktı olaraq qələmə vermişdi. Həmin əraziyə Rusiya ordusunun nümayəndələri göndərilmişdi. Amma nəticə etibarilə Yeltsinin ATƏT-in zirvə konfransında irəli sürdüyü təklif qəbul olunmamışdı. İndi də Dağıstansa baş verən hadisə Rusiyanın İsrail və müsəlman dövlətləri ilə əlaqələrini pozmaq üçün yaradılıb. Çünki dırnaqarası müsəlmanlar kilsəyə, sinaqoqlara hücum edir və yandırırlar. Beləliklə həmin ölkələrin nümayəndələrinin Rusiyaya münasibəti dəyişir. Dağıstanda həyata keçirilən terror aktına səbəb olan insanların Moskvada “Krokus Siti Holl” ticarət mərkəzində baş verən hadisə ilə əlaqəsi olduğuna dair xəbər var. Yəni həm Krokusa, həm də Dağıstanın sinaqoq və kilsələrinə hücum edən şəxslər eyni mərkəzdən əmrlər alır. Krokusda terror aktı keçirilən ilk günlərdə bütün diqqətlər Ukraynaya yönəlmişdi. Amma daha sonra bunu dırnaqarası islam dövləti ilə əlaqələndirdilər”.

Eksper qeyd edib ki, "Ədalətli Rusiya" partiyasının rayon şöbəsinə rəhbərlik etmiş Əli Zəkariqayev də terror hadisəsində öldürülüb:
“Eynilə Dağıstanın Serqokalinski rayonunun başçısı Maqomed Ömərovun iki oğlu Osman və Adil Ömərov, həmçinin qardaşı oğlu Abdusaməd Amadziev hücum edən və öldürülən terroristlərin arasından tapılıb. Bütün bunlar göstərir ki, həmin şəxslərə dövlət sanki sifariş verib. Sanki Rusiyanın xüsusi xidmət orqanları İsrail və müsəlman dövlətlərinə mesaj göndərmək məqsədilə bu terror aktını həyata keçirib”.
Oxşar xəbərlər
Xəbər lenti
Hamısına bax
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya