
Namizəd mal varlığını gizlədə bilməz - AÇIQLAMA
23:41 25.07.2024
Gündəm
437
Seçki qanunvericiliyinin tələblərinə hər kəs əməl etməlidir
Deputatlığa namizəd Elton Məmmədov haqqında Mərkəzi Seçki Komissiyasına şikayət edilib. Qeyd olunub ki, E.Məmmədov 94 saylı Ucar seçki dairəsindən növbədənkənar parlament seçkilərinə namizəd olmaq üçün müraciət edib. Şəxs haqqında bir qrup seçici tərəfindən daxil olan şikayəti araşdıran MSK üzvü Qabil Orucov E.Məmmədovun təqdim etdiyi məlumatlarda və sənədlərdə ciddi nöqsanlar, saxtalaşdırılmış informasiyalar olduğunu deyib. Onun sözlərinə görə, sabiq deputat əsasən əmlak məsələləri ilə bağlı saxtalaşdırılmış sənədlər təqdim edərək, dairə seçki komissiyasında qeydə alınmasına çalışıb. MSK üzvü bildirib ki, Elton Məmmədovun təqdim etdiyi məlumatlar nəinki onun deputat seçilməsinə, hətta seçilsə belə, mandatının əlindən alınmasına səbəb olacaq saxtalaşdırmalardır. Şikayət Mərkəzi Seçki Komissiyasında müzakirə olunub. Yekun qərara əsasən, dairə seçki komissiyasının qərarı və 94 saylı seçki dairəsindən deputatlığa namizədliyi şəxsi təşəbbüsü ilə irəli sürülmüş Elton Məmmədovun namizədliyi ləğv edilib. Qeyd edək ki, E.Məmmədov AzTU-nun strateji inkişaf üzrə prorektoru və Azərbaycan Milli Elmlər Akademiyası Yüksək Texnologiyalar Parkının direktoru vəzifələrində çalışıb.
Siyasi şərhçi Azər Həsrət "Sherg.az"a deyib ki, seçki qanunvericiliyinin tələblərinə hər kəs əməl etməlidir. Ekspertin sözlərinə görə, həm deputatlığa iddia edən şəxslər, həm də seçki prosesini idarə edən şəxslər qayda-qanunlara uyğun davranmalıdırlar:

"Ona görə də deputatlığa namizədliyini irəli sürmüş şəxs qanunvericiliyin tələblərindən kənara çıxmamalıdır, tələb olunan zəruri sənədlər doğru-düzgün təqdim olunmalıdır. Digər tərəfdən mümkündür ki, hansısa texniki problemlər, qüsurlar da olsun. Amma qəsdən və qərəzli şəkildə yanlış məlumatları quruma təqdim etməməlidir. Əgər belə bir fakt aşkarlanarsa, bununla bağlı şikayətlər, iddialar olarsa, dairə seçki komissiyası, yaxud MSK araşdırma apara və qanun pozuntusuna yol verən şəxsin namizədliyini ləğv edə bilər. Əslində etməlidir. Çünki deputatlığa iddialı şəxs ilk addımdan nəyisə ört-basdır etmək istəyirsə, mandatı aldıqdan sonra nələr edə biləcəyini təsəvvür etmək çətindir. Deputat olmaq istəyən şəxs qanunları saymazdan gəlirsə, yalan məlumatlarla namizədliyini qeydə aldırmaq niyyəti güdürsə, müvafiq qanunlar mütləq tətbiq edilməlidir. Mərkəzi Seçki Komissiyası məsələ ilə ciddi məşğul olur. Yalan məlumatlar verən şəxs ona uyğun münasibətlər görməlidir. Başqa variant yoxdur. Mən qanunpərəst adamam. Qanun nə deyirsə, elə də olmalıdır".
Oxşar xəbərlər
Xəbər lenti
Hamısına bax
Günəşdə güclü alışma baş verib
01:17 18.11.2026
Ekologiya
Bunu etməsək, Bakı sülh sazişini imzalamayacaq
00:56 18.11.2026
Cənubi Qafqaz
Lənkəranda 13 yaşlı yeniyetmə bıçaqla boğazından xəsarət aldı
23:16 17.11.2026
Hadisə
İrandan ərəb ölkəsinə xəbərdarlıq: Məhv olacaqsınız!
22:58 17.11.2026
Son dəqiqə
ABŞ Milli Təhlükəsizlik Agentliyinin məxfi şəbəkəsi sıradan çıxıb
22:39 17.11.2026
Dünya
Vladimir Putin Çinə səfər etdi
22:20 17.11.2026
Gündəm
Rusiya xəbərdarlıq etdi: Onlar məhv ediləcək!
21:24 17.11.2026
Aktual
Salyanda avtomobil 89 yaşlı piyadanı vuraraq öldürüb
21:12 17.11.2026
Hadisə
Britaniya Ukraynaya mindən çox raket verəcək
21:00 17.11.2026
Dünya
Parisdə keçirilən mitinqdə 28 min insan iştirak edib
20:37 17.11.2026
Dünya
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm