Moskva, ABŞ Prezidenti Trampın Rusiyaya yönəlmiş “kağızdan pələng” bənzətməsinə sərt cavab verib. Kremlin mətbuat katibi Peskov, Rusiyanın müharibəni davam etdirməkdən başqa alternativi olmadığını bildirib.
Sherg.az xəbər verir ki, Kremlin mətbuat katibi Dmitri Peskov bu bənzətməni rədd edərək Prezident Vladimir Putinin Ukrayna münaqişəsini həll etmək cəhdlərinə dəyər verdiyini söyləyib.
Peskov “Rusiya pələng deyil, ayıdır və kağızdan ayı deyilən bir şey yoxdur” deyəqeyd edib.
Sözcü, ABŞ-nin son aylarda iki güc arasında münasibətləri bərpa etmək səylərinə baxmayaraq, Rusiya-ABŞ yaxınlaşmasının “sıfıra yaxın” nəticələr verdiyini deyib.
Rusiyanın 2022-ci ildə başladığı Ukrayna hücumunu davam etdirməkdən başqa “alternativinin” olmadığını bildirən Peskov, RBC radiosuna müsahibəsində bildirib: “Rusiya Prezidenti Vladimir Putinin müəyyən etdiyi hədəflərə nail olmaq və maraqlarımızı qorumaq üçün xüsusi hərbi əməliyyatımızı davam etdiririk”.
Peskov əlavə edib: “Biz bunu ölkəmizin həm bu günü, həm də gələcəyi üçün edirik. Gələcək nəsillər üçün. Buna görə də başqa bir seçimiz yoxdur.”
