Vladimir Putin dünya siyasətini alt-üst etmək istəyir. Bacarsa, hamını zorakılıq və işğal dövrünə geri çəkəcək.
Axar.az xəbər verir ki, bunu Britaniyanın xarici işlər naziri Ceyms Kleverli deyib.
“Vladimir Putinin ambisiyaları Ukraynanın işğalı və ilhaqı ilə bitmir. O, dünya siyasətini alt-üst etmək istəyir. Bütün avtoritar rəhbərlər kimi, Putin də yalnız rəqiblərinin gücünə reaksiya verir. Ötən ilin dekabrında o, Vladimir Zelenskinin 10 bəndlik sülh planını rədd edib”, - Kleverli bildirib.
Onun sözlərinə görə, Putinin vəhşiliyinin əsas yükünü Ukrayna daşıyır.
