Vaşinqton hesab edir ki, Rusiya Prezidenti Vladimir Putinlə Şimali Koreya lideri Kim Çen İn hərbi təchizat məsələsini müzakirə etdiyinə inanmağa əsas var.
Axar.az xəbər verir ki, bunu ABŞ Dövlət Departamentinin nümayəndəsi Metyu Miller deyib.
“Rusiyanın Şimali Koreyadan kömək istəməyə məcbur olması faktı Ukraynaya qarşı müharibənin Kreml üçün necə inkişaf etdiyini göstərir. Vladimir Putin ilyarım əvvəl Rusiya imperiyasının şöhrətini bərpa edəcəyini düşünərək bu müharibəyə başladı və özünün maksimalist, imperialist məqsədlərinə çatmadı. İndi, il yarımdan sonra on minlərlə rus əsgərini itirdikdən və milyardlarla dollar xərclədikdən sonra o, Kim Çen İndən yardım dilənir”, - Miller bildirib.
