Tovuzda bədbəxt hadisə baş verib.
APA xəbər verir ki, rayon sakini 2023-cü il təvəllüdlü Y. Alıyev nəfəs borusunda yad cisim qalması nəticəsində xəstəxanaya aparılarkən ölüb.
Faktla bağlı araşdırma aparılır.
Pediatr Vaqif Qarayev “Sherg.az”a açıqlamasında deyib ki, üç yaşa qədər uşaqlara qarşı daim nəzarət lazımdır:
“2023-cü il təvəllüdlü uşağın nəfəs borusunda yad cisim qalmaması diqqətsizliyin bariz nümunəsidir. Ümumiyyətlə bu yaşlarda olan uşağın ətrafında xırda əşyalar olmamalıdır. Çünki əli ilə götürə biləcək nə varsa, ağzına aparır. Ona görə daim diqqətli olmalısınız. Əgər, nəzarətdə saxlanma yoxdursa, uşağın ətrafında muncuq, bərk cisimlər, qəzet və kağız parçalarını yığmaq lazımdır. Yad cisimdən danışanda hamı deyir ki, çöp qalıb, çöpçüyə getməlidir. Bu səhv fikirdir. Yad cisim harda qalıbsa və nə qədər təhlükəlidirsə onu lor həkim təyin edəcək. Bunu təyin etmək o qədər də çətin deyil. Digər tərəfdən bu yaşda olan uşağı üzü aşağı çevirib, ayaqlarından tutub kürəyinə bir neçə dəfə zərbələr vurulmalıdır. Lakin bu taktikanı bilən şəxs də həmin kritik anda bunu edə bilməyəcək. Ona görə də vaxt itirməmək üçün dərhal həkimə çatdırmaq lazımdır”.
