Qətərin paytaxtı Dohada təşkil olunan WMTC-in final mərhələsində Azərbaycan komandası iştirak edib.
Sherg.az xəbər verir ki, komandamızdan 26 şagird 5 kateqoriyada mübarizə aparıb. Komandalardan ikisi Junior, ikisi İntermediate, biri isə Advanced kateqoriyasında öz güclərini sınayıblar. Komandamızdan 1 nəfər Əli Qasımlı qızıl medal , 2 nəfər Zeynəb Qasımlı və Nuray Əzimzadə gümüş, Gülər Əzizadə, Camal Əzizli, Cəsur Əlizadə, Mirkərəm Mirizadə, Abdullah Əzimzadə, Əli Şəfiyev, Amin İsmayılzadə, Samir Məmmədov, Cəfərsadiq Qasımlı, Məltəm İsayeva, Raul İmanlı, Ziyad Hidayətli isə bürünc medal, Unal Əliyev və Kameilya Purqurban isə Fəxri Fərman əldə ediblər. Komanda raundunda isə şagirdlərimizdən *Land of Fire* komandası 1-ci yeri qazanaraq kubok əldə edib. Qaliblərə mükafatları Qətər Təhsil Naziri, Qətər Nəqliyyat Naziri ölkələrin rəsmi səlahiyyətli səfirləri təqdim edib. Final mərhələsində 35-dən çox ölkə iştirak edib. Bolqarıstan,Çin,ABŞ komandası dünya üzrə ilk yerləri aralarında bölüşüblər. Tədbir Qatar Airways, Qətər Təhsil Fondunun, Qətər Təhsil nazirliyinin təşkilatçılığı ilə həyata keçirib. Qeyd edək ki, Azərbaycan ilk dəfə Global Olympiad Centerin təşkilatçılığı ilə Dünya Riyaziyyat Çempionatında təmsil olunub.
