Depressiya zamanı insanlar intihara daha çox meyl edirlər
Yusif Nəzərli
18:42 20.11.2021
Cəmiyyət
660
Bunlar daha çox yaz və payız aylarında özünü daha qabarıq şəkildə göstərir
1991-ci il təvəllüdlü Həsənov Elşən Ədalət oğlu bir neçə gün əvvəl Abşeron rayonu Saray qəsəbəsində itkin düşüb. E.Həsənovun intihar etdiyi aşkar olunub.
Onun meyiti Corat qəsəbəsində dəniz sahilində tapılıb. 30 yaşlı Elşənin 12 noyabr özünü dənizə ataraq intihar etdiyi, sonra dalğaların meyiti sahilə çıxardığı məlum olub.
Məlumata əsasən, Elşən Həsənovun anası Rəfiqə Həsənova da noyabrın 12-də intihar edib. Həmin gün E.Həsənov anasının yaşadığı evin həyətində özünü asaraq həyatına son qoyduğunu görüb. Gənc dərin sarsıntı keçirərək evdən çıxıb, dəniz sahilinə yollanıb.
Hər iki faktla bağlı araşdırma aparılır.
Son zamanlar günümüzün bəlasına çevrilən intihar hadisələri ilə bağlı “Şərq”ə danışan psixoloq Elnur Rüstəmov bildirib ki, intihar səbəbləri müxtəlif ola bilər: “Depressiya zamanı insanlar intihara daha çox meyl edirlər. Amma bu, o demək deyil ki, psixoloji gərginlik keçirən hər kəs öz həyatına son qoyur. Bilərəkdən canına qıyan insanların böyük bir qismi o vəziyyətə düşənlərdir. Psixologiyada da qeyri-rəsmi olaraq mövsümi depresiya adlanan bir anlayış var. Yəni fəsillərin dəyişməsi ilə insanların əhvali-ruhiyyəsi də bəzən kəskin formada təzahür edir. Bunlar daha çox yaz və payız aylarında özünü daha qabarıq şəkildə göstərir”.
Psixoloq həmçinin qeyd edib ki, xüsusən də həssas insanlar belə bir situasiyada intihar kimi düşüncələrə qapıla bilir: “Ümidsiz düşüncələri, fikirləri də özlərindən kənar qoymurlar. Bunlar da öz növbəsində özünəqəsdlə nəticələnir. Hazırda informasiyanın bol olduğu bir dönəmdə yaşayırıq. Hər bir informasiyanın da emosional yükü var. Bəzən qəbul etdiyimiz məlumatlardan kədərlənirik, sevinirik. Bütün bunlar sürətli baş verir, nəticədə insanın ovqatı tez-tez dəyişir. Ona görə də bu gün psixoloji sağlamlığın, təhlükəsizliyin qorunması bütün inkişaf etmiş ölkələrdə prioritet istiqamətdir. Psixi gümrahlığın müdafiəsi üçün kitab oxumaq, yürüş, idman etmək, bir sözlə, sevilən işlə məşğul olmaq fərdə bağlıdır. Cəmiyyət olaraq neqativlərdən mümkün qədər uzaq durmaq, pozitivə köklənmək lazımdır”.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya