Kürdəmirdə Aprel döyüşləri şəhidinin büstünün açılışı olub
Yusif Nəzərli
19:22 19.11.2021
Cəmiyyət
327
Kürdəmirdə 2 aprel 2016-cı ildə Ermənistanın ölkəmizə qarşı silahlı təxribatının qarşısının alınması zamanı şəhid olmuş Mi-24 hərbi helikopterinin ekipaj üzvü, ölümündən sonra Prezident İlham Əliyevin sərəncamına əsasən “Azərbaycan Bayrağı” ordeni ilə təltif edilən baş leytenant İsmayılov Əbu Bəkir Vüqar oğlunun xatirəsinə inşa edilən büstün açılışı olub.
“Report”un yerli bürosu xəbər verir ki, mərasim Əbu Bəkrin doğulub boya-başa çatdığı evin qarşısında baş tutub. Büstün açılışında şəhidin yaxınları, rayon ictimaiyyətinin nümayəndələri, şəhid ailələri, qazilər, hərbçilər və sinif yoldaşları iştirak ediblər. Mərasimdə əvvəlcə Azərbaycanın Dövlət himni səsləndirilib, sonra şəhidin ruhu bir dəqiqəlik sukutla yad olunub.
Çıxış edənlər Əbu Bəkr İsmayılovun qısa, lakin şərəfli həyat yolundan bəhs edib, işğalçı düşmənin xeyli sayda hərbi texnikası və canlı qüvvəsini məhv edərək qəhrəmancasına şəhid olmasından söhbət açıblar.
Digər natiqlər Aprel döyüşlərində bir sıra strateji əhəmiyyətli yerlərin işğaldan azad olunmasında Əbu Bəkrin xüsusi şücaəti olmasını fəxr və qürur hissi ilə bildirərək, şəhidlərimizin qanının yerdə qalmadığını vurğulayıb, şəhidlərimizin xatirəsinin həm dövlət, həm də xalq tərəfindən daim əziz tutulduğunu qeyd ediblər.
Sonra şəhidin adını daşıyan büstün açılışı olub. Məktəblilər şəhid baş leytenanta həsr olunan şeirlərdən ibarət kompozisiyanı tədbir iştirakçılarına təqdim ediblər.
Tədbirin sonunda şəhidin anası Rəna İsmayılova çıxış edərək oğlu haqqında xatirələrini tədbir iştirakçıları ilə bölüşüb və açılış tədbirində iştirak edənlərə öz minnətdarlığını bildirib.
Qeyd edək ki,İsmayılov Əbu Bəkr Vüqar oğlu 1990-cı il fevralın 10-da Kürdəmir şəhərində anadan olub. O, 2 aprel 2016-cı ildə Ermənistanın ölkəmizə qarşı silahlı təxribatının qarşısının alınması zamanı Mi-24 hərbi helikopterinin ekipajı düşmənin xeyli sayda hərbi texnikası və canlı qüvvəsini məhv edib və sonda qəhrəmancasına şəhid olub. Qəhrəman təyyarəçilər – o cümlədən Əbu Bəkr İsmayılov ölümündən sonra Azərbaycan Respublikası Prezidentinin sərəncamına əsasən “Azərbaycan Bayrağı” Ordeni ilə təltif edilib.
Əbu Bəkr İsmayılov Bakı şəhərində II Fəxri Xiyabanda dəfn olunub.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya