“Azərbaycanda seçkilər çox yüksək səviyyədə keçirilib”.
APA-nın məlumatına görə, bunu Milli Məclisə keçirilən seçkilərlə əlaqədar mətbuat konfransında Monteneqro parlamentinin deputatı Predraq Sekuliç deyib.
O bildirib ki, Bakı və Bakı ətrafında 15-16 məntəqədə müşahidə aparıb:
“Müşahidələr zamanı hər hansı qanun pozuntusuna rast gəlmədim. Seçki prosesi tam demokratik qaydada həyata keçirildi. Kimlərin qalib gəldiyi, kimin parlamentə seçildiyi mənə məlum olmasa da, onu deyə bilərəm ki, dünənki seçkilərdə Azərbaycan xalqı və demokratiya qalib gəlib”.
Monteneqro parlamentinin deputatı qeyd edib ki, bundan əvvəl də Azərbaycanda seçki prosesini izləyib.
