"Dəm qazı zəhərlənmələrinə standartlara uyğun olmayan qaz cihazlarından istifadə, tüstü bacalarının təmizlənməməsi səbəb olur”.
Bunu "Sherg.az”a dəm qazından qorunma yollarını izah edərkən "Azəriqaz” İstehsalat Birliyinin ictimaiyyətlə əlaqələr şöbəsinin rəisi İbrahim Kərbalayev deyib. O bildirib ki, qaz cihazlarının quraşdırıldığı hamam otaqlarının ölçüləri standartlara uyğun olmalıdır:
"Tüstü bacaları ildə ən azı 2 dəfə təmizlənməlidir. Vanna otağının həcmi 7,5 kub/metrdən, hündürlüyü 1 metr 20 santimetrdən az olmamalıdır. Bacalar dam örtüyü səthindən 50-70 santimetr hündürdə olmalıdır. Belə qaydalara riayət olunmadıqda dəm qazından zəhərlənmələr baş verir”.
Qeyd edək ki, Binəqədi qəsəbəsi 3-cü mədən yaşayış massivində yerləşən həyət evində 1969-cu il təvəllüdlü Əliyev Şahin Bağır oğlu dəm qazından boğulub. Onun meyitini yaxınları aşkarlayıb.
Aysel Aslan
