"Azərbaycan Dəmir Yolları” Qapalı Səhmdar Cəmiyyətinin sifarişi ilə İsveçrənin "Stadler Rail Group” şirkəti tərəfindən istehsal olunan 10 vaqondan ibarət sərnişin qatarı Bakıya çatıb.
Bu barədə "Sherg.az" aAzərbaycan Dəmir Yolları” Qapalı Səhmdar Cəmiyyətinin İctimaiyyətlə əlaqələr şöbəsindən məlumat verilib.
Qeyd edək ki, Bakı-Tbilisi-Qars dəmir yolu xəttində hərəkət edəcək qatarda doqquz sərnişin vaqonu, bir restoran var. Qatar İsveçrədən Türkiyəyə, oradan Gürcüstana gətirilib. Qatar Axalkalakidə quraşdırılmış xüsusi qurğuda 1520 mm standartlı izdən və 1435 mm mm standartlı izə test rejimində sınaqdan keçiriləndən sonra Bakıya gətirilib.
2019-cu ildə Bakı-Tbilisi-Qars marşrutu ilə sərnişin daşınmasının təşkili planlaşdırılır. Bu məqsədlə "Azərbaycan Dəmir Yolları” Qapalı Səhmdar Cəmiyyəti ilə İsveçrənin "Stadler Rail Group” şirkəti arasında Bakı-Tbilisi-Qars marşrutu üçün sərnişin vaqonların istehsalına dair müqavilə imzalanıb. İkinci mərhələdə daha 10 vaqonun gətirilməsi nəzərdə tutulur. Vaqonlar ən son texnologiya əsasında hazırlanıb.
11:18
Azərbaycanın təşəbbüsü və maliyyəsi ilə İsveçrədən alınan "Stadler” sərnişin qatarı martın 28-də Gürcüstandan Azərbaycana yola düşüb.
Lent.az AZƏRTAC-a istinadla xəbər verir ki, qatar Gürcüstana martın 27-də Türkiyə ərazisindən daxil olmuşdu.
Qatar Gürcüstana keçdikdən sonra Tbilisiyə qədər Bakı-Tbilisi-Qars (BTQ) dəmir yolu xətti ilə hərəkət edib.
Qeyd edək ki, Axalkalaki dəmir yolu Avropa standartlarına uyğun relslərlə birləşdirilib. "Stadler” qatarının hər iki hissəni maneəsiz qət etmək imkanı var.
Məlumat üçün qeyd edək ki, BTQ dəmir yolu vasitəsilə sərnişinlərin daşınmasına bu il başlanılması nəzərdə tutulub.
